Nú getur almenningur fengið 500 þúsund króna afsláttarmiða frá sjálfum sér á ári, í þrjú ár, til að kaupa húsnæði. Hefur sá afsláttur ekki áhrif á eftirspurn? Sérstaklega ef mjög margir ætla að nýta sér sína eigin gjafmildi á stuttum tíma? Ef sú er raunin hefur þessi aukna eftirspurn þá ekki áhrif á húsnæðisverð? Kann svo að fara, vegna hins algilda lögmáls framboðs og eftirspurnar, að gjöfin sem ríkisstjórnin ætlar að leyfa borgurum að gefa sjálfum sér verði að engu sökum verðhækkana?
